Wjacerěčnosć pěstować(22 a kónc)

srjeda, 18. decembera 2019
artikl hódnoćić
(0 )
Elžbjeta Hojerjowa pokazuje prěni naćisk nowych interaktiwnych taflow z informacijemi we wjacorych rěčach wo jednotliwych družinach skotu.  Foto: Silke Richter Elžbjeta Hojerjowa pokazuje prěni naćisk nowych interaktiwnych taflow z informacijemi we wjacorych rěčach wo jednotliwych družinach skotu. Foto: Silke Richter

Štó a što tči za serbskimi projektami, kotrež buchu we wobłuku wubědźowanja Sakskeho fondsa „Čiń sobu!“ mytowane? W lětušim serialu Serbskich Nowin­ je předstajamy.

Na Wojerowskej dźěćacej a młodźinskej farmje w nošerstwje Křesćansko-socialneho kubłanskeho skutka (CSB) wjesela so nad mytom Sakskeho fondsa „Čiń sobu!“ w kategoriji „Žiwa dwurěčnosć“.

Woblubowane zarjadnišćo so hižo wjele lět za dźěło z dźěćimi a młodost­nymi zasadźa pěstujo harmonisku zhromadnosć. Zrodźili su tam mysličku, na swojim arealu atraktiwitu a wjacerěčnosć hišće bóle spěchować. Na farmje maja rasy wužitneho skotu, kotrež su wot wotemrěća wohrožene. Kak mamy z nimi wobchadźeć, je plahować, zwotkel pochadźeja abo kak su žiwe, to wšo zhonja wopytowarjo z informaciskich taflow, připrawjenych na hródźach a chlěwach – dotal pak jenož w němskej rěči. Z pomocu myta 4 960 eurow to bórze změnja. Nastajić chcedźa tam wosom interaktiwnych přehladnych taflow, na kotrychž móžeš so wo wosom tam zastupjenych rasach po němskej, serbskej, pólskej a jendźelskej rěči wobhonić.

wozjewjene w: Łužica

Galerija

dalši wobraz (1)
Prošu přizjewće so, chceće-li komentar podać

Serbska debata

nowostki LND