Spalowski móst za motorizowany wobchad zawru

pjatk, 20. decembera 2019
artikl hódnoćić
(0 )
Spalowski móst smědźa jenož hišće pěšcy a kolesowarjo wužiwać móc. Wčera su sobudźěłaćerjo města Wojerec dalše zaračenja připrawili.  Foto: Gernot Menzel Spalowski móst smědźa jenož hišće pěšcy a kolesowarjo wužiwać móc. Wčera su sobudźěłaćerjo města Wojerec dalše zaračenja připrawili. Foto: Gernot Menzel

Wojerecy (SN). Spalowski móst budźe hišće do hód za motorizowany wobchad zawrjeny. Na to stej so měsće Wojerecy a Kulow, na kotrejuž komunalnej mjezy móst leži, dojednałoj. Tež Ćišćanska wjesna rada postupowanje w naležnosći podpěruje. Město Wojerecy informuje wo tym w medijowej zdźělence.

Jako přičinu mjenujetej komunje špatny twarski staw mosta, kotryž Spale z Ćiskom hižo dlěje hač poł lětstotka zwjazuje. „Aktualny wuslědk pruwowanja mosta je Wojerecy a Kulow pohnuł, wo dalšich kročelach k jeho zachowanju rozmyslować. Pruwowanje wunjese mo­stej znamku 3,5 nastupajo twarski staw. Wěstota twara samo na sebi kaž tež wěstota za wobchad stej tuž chětro wohroženej. Směmy móst jenož potom wobstajnje dale wužiwać, hdyž nowy natwarimy“, Wojerowski nowinski rěčnik Bernd Wiemer w zdźělence rozłožuje. Zwuporjedźeć móst pak je po informacijach města njehospodarske, a za nowotwar pobrachuja pjenjezy. „Wojerecam kaž tež Kulowej njeje móžno srjedźodobne trěbne resursy za nowotwar mosta nałožić“, Wiemer potwjerdźa.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Serbski komponist, hudźbnik a spěwar Měrćin Weclich je minjenu sobotu a njedźelu w Budyskim Kamjentnym domje přewšo wuspěšnje koncertował. Přeprosył bě sej za to mnohimi hosći kaž tež młodych talentow, kotřiž z nim zhromadnje na jewišću publikum zaho
  • Měrćin Weclich a Serbski młodźinski oktet - Martin Wetzlich und das Sorbische Jugendoktett
  • Měrćin Weclich a dźěćaca spěwna skupina Šumlabrum - Martin Wetzlich und die sorbischer Kindergesangsgruppe Schumlabrumm
  • Šumlabrum - Schumlabrumm
  • Šumlabrum - Schumlabrumm
  • Měrćin Weclich a młody hudźbnik Chrystof Mikławšk (wotprawa) – Martin Wetzlich und Christoph Mikwauschk (von rechts)
  • Jamila Hórnikec - Jamila Hornig
  • Matteo Hórnik - Matteo Hornig
  • Rejwarki a rejwarjo Serbskeho folklorneho ansambla Wudwor – Tänzerinnen und Tänzer des Sorbischen Folkloreensembles Wudwor
  • Live-hudźba je najlěpša - Live-Musik ist die allerbeste
  • Walentin Bjedrich při pianje - Valentin Bedrich am Piano
  • Kapała pod nawodom Malty Rogackeho (2. wotprawa) je live hudźiła - Malte Rogacki (2. von rechts) und Band spielten live
  • Měrćin Weclich a Měrko Brankačk (wotlěwa) – Martin Wetzlich und Mirko Brankatschk (von links)
  • Poradźenej kocnertaj - Zwei wirklich gelungene Konzerte

nowostki LND