Lětsa wjace ptačkow zličili

pjatk, 17. januara 2020
artikl hódnoćić
(0 )
Vivien, Kira, Julian, Melanie, Nele a Tabea kaž tež Carsten Proft ze zwěrjencoweje šule  w Běłej Wodźe su minjene dny ptački ličili. Při tym wužiwachu dalokowid, zo njebychu ani jeničku zelenu wopušku přewidźeli.  Foto: Joachim Rjela Vivien, Kira, Julian, Melanie, Nele a Tabea kaž tež Carsten Proft ze zwěrjencoweje šule w Běłej Wodźe su minjene dny ptački ličili. Při tym wužiwachu dalokowid, zo njebychu ani jeničku zelenu wopušku přewidźeli. Foto: Joachim Rjela

Zańdźene dny su po wšej Němskej ptački­ ličili. Wot 10. do 12. januara běštej­ tež Němski přirodoškitny zwjazk (NABU) a krajny zwjazk za škit ptačkow z.t. (LBV) k tomu namołwjałoj.

Běła Woda/Budyšin (jrl/SN/MiR). Mjeztym dźesaty króć přewjedźechu po wšej Němskej „hodźinu zymskich ptačkow“. Vivien, Kira, Julian, Melanie, Nele a Tabea kaž tež Carsten Proft su lubowarjo přirody ze zwěrjencoweje šule w Běłej Wodźe. Zańdźenu póndźelu běchu wone na tamnišej staciji młodych slědźerjow přirody a techniki zymske ptački ličili. Pod fa­chowym nawodom Christiana Schulzy a Christiana Hoffmanna z Němskeho přirodoškitneho zwjazka su swědomiće dźěłali. Z pomocu dalokowida a z wótrym wóčkom su hólcy a holcy po šćežkach a pućikach ducy dokładnje hladali, zo bychu na terenje kubłanišća ptački zwěsćili.­ Woni zličichu wšitke sykorki, wrobliki a zelene wopuški (Grünfink). Nimo­ stajnych ptačkow, kotrež we Łužicy přez cyłe lěto přebywaja, su tež ptačkow-hosći­ wobkedźbowali, kotrež w zymskich měsacach ze zymnišich kónčin sewjerneje a wuchodneje do srjedźneje Europy ćahnu.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND