Wjetša ličba „njesignifikantna“ poručenje

srjeda, 22. januara 2020
artikl hódnoćić
(0 )
Budyski wobchod K&E na Pchalekowej poskića wšelake wěstotne připrawy. Kaž mějićel Wolfgang Eisert rozkładźe, su nowozatwarjene durje mjeztym chětro wěste . Hladajo na wokna móža ludźo dodatnu techniku zatwarić. Staršim ludźom wotpowědnje twarić rěka, samo ze spěchowanskich programow Zwjazka profi tować a spěchowanske pjenjezy dóstać.  Foto: SN/Hanka Šěnec Budyski wobchod K&E na Pchalekowej poskića wšelake wěstotne připrawy. Kaž mějićel Wolfgang Eisert rozkładźe, su nowozatwarjene durje mjeztym chětro wěste . Hladajo na wokna móža ludźo dodatnu techniku zatwarić. Staršim ludźom wotpowědnje twarić rěka, samo ze spěchowanskich programow Zwjazka profi tować a spěchowanske pjenjezy dóstać. Foto: SN/Hanka Šěnec

Po začuću wobydlerjow padustwa přiběraja

Budyšin (SN/BŠe). Ludźo wokoło Ra­dwo­rja a Njeswačidła začuwaja, zo je ličba zado­bywanjow wot minjeneje nazymy přiběrała. Z naprašowanja našeho wječornika pola policije wuchadźa, zo běchu so paduši wot minjeneho septembra w Radworskej gmejnje do šěsć objektow zadobyli, w Njeswačanskej do wosom. Pokradnyli su na přikład tobakowe twory, zežiwidła, pjenjezy, bencin, kolesa a płunowe bleše. Kriminalna słužba Budyskeho policajskeho rewěra přepytuje. Tuchwilu maja jednoho podhladneho, kiž je po wšěm zdaću płunowe bleše z ležownosće Njeswačanskeje firmy spakosćił. We wšěch dalšich padach zastojnicy hišće rešeršuja. Wšudźe su slědy skući­ćelow zawěsćili, kotrež nětko přepytuja a z kotrychž nadźijeja so dalšich pokazkow na zadobywarjow.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND