Runowaha ma knježić

štwórtk, 30. januara 2020
artikl hódnoćić
(0 )
Jovan Hrjehor z Kamjeneje, njewotwisny kandidat  Foto: Annett Groß Jovan Hrjehor z Kamjeneje, njewotwisny kandidat Foto: Annett Groß

1W swojim lětaku sym cyle jasnje podał, kotre wuža­danja na nas w Radworskej gmejnje přichodnje čakaja. Kotrym měli so prěnjorjadnje wěnować, nochcu na tymle městnje sam posudźować. Wo rjedźe a zwoprawdźenju naprawow wšak doskónčnje gmejnska rada rozsudźi. W přichodźe widźu so jako ka­pitan teama a nic jako tón, kiž wšitko sam wobzamknje.

2Njewěm, hač ma so w gmejnje zasadnje něšto změnić. To dźě by woznamjenjało, zo zakład­nje něšto wopak běži. Tak negatiwnje połoženje w Radworskej gmejnje njeposudźuju. Mi je waž­ne, zo kóždy wjesny dźěl w samsnej měrje hódnoću a zo runowaha knježi. Štó drje čuje so rady zabyty?

3Serbstwo je kruty wobstatk gmejny. Nimo zachowanja lětstotki starych tradicijow a nałožkow je wažne, zo serbšćinu wšědnje nałožujemy. Dwurěčne napisy su mi runje tak wažne kaž dobra komunikacija z nawodnistwom našeje šule a z pěstowarnjemi w gmejnje. Wosebje mi na wu­trobje leži, model Witaj zacho­wać a po móžnosći dale wuwi­wać. K tomu sym w zašłosći hižo­ we wulkej měrje přinošował.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND