Haćidła přewinyć

štwórtk, 30. januara 2020
artikl hódnoćić
(0 )
Madeleine Rentsch z Łupoje, kandidatka Domizniskich přećelow Minakał  Foto: M. Rentsch Madeleine Rentsch z Łupoje, kandidatka Domizniskich přećelow Minakał Foto: M. Rentsch

1Hladajo na wšitke 24 wjesnych dźělow Radworskeje gmejny je wažne infrastrukturu zachować a wutwarić. Nimo dróhotwara tež šule a wodźizny k tomu słušeja. Nimo toho mi pod­pěra tudyšich zawodow a towarstwow na wutrobje leži. Jako wjes­njanostka chcu tež wobydlerjam bliska być, štož woznamjenja docpějomnosć a wotewrjene wucho za kóždeho. Jeno zhromadnje mó­žemy gmejnu zachować – abo hišće lěpje: wuhotować a wuwiwać!

2Štož derje běži a je derje wotběžało, měło so dale wjesć. Přiwšěm chcu rěčne hodźiny za wo­bydlerjow zarjadować. Tak je docpějomnosć zaručena, a kóždy wobydler móže swój wopyt na zarjedźe planować. Nimo toho chcu prawidłowne rozmołwy z přede­wzaćelemi přewjesć. Zakładnje měli so wšitke předewzaća, na přikład nastupajo syć dróhow a wodźiznow, ale tež wobswětlenje pućow po prioritach a spěchowanskich móžnosćach za gmejnsku radu zdźěłać a wotpowědnje wobzamknyć.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND