Ruski swjedźeń tež we Łužicy

póndźela, 02. měrca 2020
artikl hódnoćić
(0 )
Tak kaž w Ruskej kónc februara/spočatk měrca swoje wosebite póstnicy maslenica swjeća, činja to mjeztym hižo pjeć lět tež w Běłej Wodźe. Tam je towarstwo „My smy my“ iniciatiwu přewzało. Sobotu předstajichu w swojich rumnosćach při měšćanskim bulwarje pisany program ruskeje folklory, kotryž su sej tež mnozy zajimcy z města wobhladali. Do toho běchu sej akterojo kostimy zešili, zo móhli prawje lóštnje hejsować. Blinije, kaž ruske plincy mjenuja, wězo njepobrachowachu. Něhdy běchu­ w Ruskej maslenicu cyły tydźeń swjećili a z njej zymu wućěrili. Dźensa je ruski­ karnewal tež w maćernym kraju zaso popularny. Foto: Joachim Rjela

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND