Prěni grandprix dwójneje hłójčki

póndźela, 16. měrca 2020
artikl hódnoćić
(0 )
Ludwig Bjeńš (srjedźa) je minjeny pjatk w Nowoslicach prěni serbski grandprix w dwójnej hłójčce dobył. Druhe a třeće městno wobsadźištaj Jan Zahon (2. wotlěwa) a Herman Woko (2. wotprawa), štwórte wudoby sej Michał Šołta (nalěwo), pjate Frank Domaška (naprawo).  Foto: Rafaela Domaškec Ludwig Bjeńš (srjedźa) je minjeny pjatk w Nowoslicach prěni serbski grandprix w dwójnej hłójčce dobył. Druhe a třeće městno wobsadźištaj Jan Zahon (2. wotlěwa) a Herman Woko (2. wotprawa), štwórte wudoby sej Michał Šołta (nalěwo), pjate Frank Domaška (naprawo). Foto: Rafaela Domaškec

Zahorjenych kartyplacarjow po wšěm zdaću ani coronawirus wot jich hobbyja wotdźeržeć njemóže. Tónle zaćišć znajmjeńša sy minjeny pjatk w Nowoslicach měł.

Nowoslicy (rd/SN). Prěni serbski grandprix w dwójnej hłójčce su minjeny pjatk w Nowoslicach wuspěšnje zakónčili. Dohromady je 31 zahorjenych kartyplacarjow do kulturneho domu přijěło, tež hdyž wobsteješe riziko infekcije z coronawirusom. Turněr zahajili běchu w Pěskecach. Dalše stacije běchu Konjecy, Smječkecy, Sernjany a Chrósćicy.

W finalnym kole w Nowoslicach bě hišće raz wulka koncentracija trěbna. Bjez dźiwa, zo sy napjatosć mjez hrajerjemi runjewon přimnyć móhł. Přijěli njeběchu jeno starši hrajerjo, ale tež trochu młódši kaž Michał Wowčer z Kozarc. Wón bě najmłódši hrajer wječora a praji sam, zo jemu to ničo njewučinja. Wšako ma při kartyplacanju swoje wjeselo.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND