Budyski wokrjes poruča škit

štwórtk, 09. apryla 2020
artikl hódnoćić
(0 )

Budyšin (SN/at). Strowotniski zarjad Budyskeho wokrjesa je ludnosći wčera poručił, sej hubu a nós škitać. „Rozsudny zaměr wšěch rozmyslowanjow je, ličbu wirow při wudychanju pomjeńšić“, wuswětla hamtska lěkarka dr. Jana Gärtner. Samošite tekstilne zakryće huby a nosa k tomu słuša. Wšako wone hižo praktikowane hygienowe naprawy wudospołnja. W namołwje „Sadźće znamjo“ dr. Gärtner aktualny staw slědźenja k naležnosći rozłožuje. Cyły tekst móžeće sej pod www.landkreis-bautzen.de/download/Textilmasken_Plaedoyer.pdf přečitać.

W zwisku z wotpokazanej skóržbu je Sakske wyše zarjadnistwo w Budyšinje wutoru definowało, što rěka „prěnjorjadna wokolina bydlenskeho wobłuka“ nastupajo aktiwity ludźi. Tak njeje zakazane, teritorij swójskeje gmejny wopušćić. Sudnicy wopisuja za to „kónčinu, kotruž bjez pomocnych srědkow – potajkim pěši abo z kolesom – wobchodźiš a wobjězdźiš, ně­hdźe 10 do 15 kilometrow wot bydlenja zdalenu. To płaći njewotwisnje wot toho, hač sej tónle wobłuk woprawdźe pěši, z kolesom abo z awtom resp. ze zjawnym bliskowobchadom wotkrywaš.“

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND