Nowy depot za měšćanski muzej po wšěm zdaću namakali

póndźela, 20. apryla 2020
artikl hódnoćić
(0 )
Kerstin Noack pokazuje wolijowu mólbu słowakskeho molerja Juraja Kresily z lěta 1979, na kotrejž je Hana Tilichowa zwěčnjena.  Foto: Katrin Demczenko Kerstin Noack pokazuje wolijowu mólbu słowakskeho molerja Juraja Kresily z lěta 1979, na kotrejž je Hana Tilichowa zwěčnjena. Foto: Katrin Demczenko

Wojerecy (KD/SN). Hižo wjacore lěta pyta Wojerowski hrodowy a měšćanski muzej nowy depot, dokelž so dotal wužiwana łubja k tomu njehodźi. Tam tuchwilu hišće składowany fundus je za wjerchi přećežki. Nimo toho njejsu jednotliwe eksponaty před insektami, wohenjom, wodu a prochom dosć škitane, rozłoži nawodnica hrodu Kerstin Noack. Nastajnosći měnjaca so włóžnota powětra a temperatury wuměłskej zběrce, starym křinjam, železnym nastrojam šewcownje a druhim objektam tohorunja njetyje. Za čas NDR wobdźěłachu drjewjane hrjady ze škitnym srědkom Hylotox, w kotrymž bě tehdy škódna maćizna DDT. Tohodla smědźa sobudźěłaćerjo muzeja nětko jenož w škitnych woblekach na łubju hrodu.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND