Napadnje často so pali

wutora, 28. apryla 2020
artikl hódnoćić
(0 )
Hač drje je zapaler wina, zo maja wohnjowi wobornicy wokoło Hodźija tele dny wosebje wjele dźěła? Před něšto dnjemi paleše so při tamnišim młodźinskim klubje, hdźež policija zwěsći, zo běchu płomjenja z dweju městnow wuchadźeli. Minjeny štwórtk paleše so wosrjedź lěsa mjez Spytecami a Hodźijom. Tež tam běchu wohnjowi wobornicy zasadźeni. A w nocy na minjeny pjatk je so hižo zaso paliło, tónraz při dróze mjez Małej Prahu a Brězu (Birkau). Tam so wjacore awtowe wobruče palachu. K hašenju wołachu wobornikow z Hodźija, Spytec, Brězy a Prěčec. Dohromady bě 25 kameradow zasadźenych. Tež w tymle padźe policija přepytuje, hač jedna so snano wo zapalerstwo. Foto: Rocci Klein

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND