Zaryw a zakładny kamjeń

wutora, 23. junija 2020
artikl hódnoćić
(0 )
Michael Kretschmer a Achim Junker (naprawo) zmištrowaštaj symboliski prěni zaryw za nowu Hamorsku wodarnju.  Foto: Joachim Rjela Michael Kretschmer a Achim Junker (naprawo) zmištrowaštaj symboliski prěni zaryw za nowu Hamorsku wodarnju. Foto: Joachim Rjela

Po dołhich přihotach milionowy projekt skónčnje zahajeny

Hamor (CK/SN). Poprawom měješe so prěni zaryw za nowu Hamorsku wodarnju w aprylu wotměć. Kontaktnych wobmjezowanjow dla dyrbješe drje to wupadnyć, přiwšěm su twarić započeli. A tak mějachu minjeny pjatk hnydom dwaj swjatočnej podawkaj: Ministerski prezident Michael Kretschmer a Hamorski wjesnjanosta Achim Junker (wobaj CDU) jako předsyda zaměroweho zwjazka Srjedźna Nysa-Šepc za wopłóčki (WZV) přimaštaj so gratu za prěni zaryw a zamurjowaštaj hnydom na to kasetu z dokumentami, štož stanje so hewak na separatnym połoženju zakładneho kamjenja.

Wjele lět je Michael Kretschmer prócowanja wo zastaranje z pitnej wodu w sewjernym dźělu Zhorjelskeho wokrjesa přewodźał. Wón wuzběhny, z kelko energiju su so wobdźěleni temje wěnowali. „Běła Woda trjeba wodu, dokelž ma město přichod“, wón rjekny.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND