Maturanća 27. koparski duel na Serbskim gymnaziju Budyšin dobyli

wutora, 30. junija 2020
artikl hódnoćić
(0 )
Lětuši maturanća Budyskeho Serbskeho gymnazija dobychu 27. koparsku hru přećiwo wučerjam ze 7:2. Stejo wotlěwa: Julian Šołta, Fridtjof Schade, Richard Paška, Alexander Boradshew, Paul Schmidt, Max Jursch, Fabian Kola, Syman Handrik, sudnik Kilian Hrjehor; klečo wotlěwa: Damian Bogusz, Maćij Čižank, šulski nawoda René Wjacławk, Hagen Kambach a Měrko Korjeńk. Sobu hrałoj staj hišće dwanatkarjej Jakub Zelnak a Jan Clausen.  Foto: Měrko Korjeńk Lětuši maturanća Budyskeho Serbskeho gymnazija dobychu 27. koparsku hru přećiwo wučerjam ze 7:2. Stejo wotlěwa: Julian Šołta, Fridtjof Schade, Richard Paška, Alexander Boradshew, Paul Schmidt, Max Jursch, Fabian Kola, Syman Handrik, sudnik Kilian Hrjehor; klečo wotlěwa: Damian Bogusz, Maćij Čižank, šulski nawoda René Wjacławk, Hagen Kambach a Měrko Korjeńk. Sobu hrałoj staj hišće dwanatkarjej Jakub Zelnak a Jan Clausen. Foto: Měrko Korjeńk

27. koparski dwubój mjez wučerjemi a maturantami Serbskeho gymnazija Budyšin (SGB) bě so z dobyćom 7:2 młódšeje generacije skónčił. Statistika dotalnych hrow z wida šulerjow wučinja nětko 20 dobyćow, tři njerozsudne wuslědki a štyri poražki.

Po wolejbulowej hrě mjez wučerjemi a dwa­natkarjemi na SGB (SN wo tym rozprawjachu) slědowaše dwaj dnjej po tym tradicionalna kopańca. Bě to mjeztym 27. rozestajenje, kotrehož spočatki sa­haja do lěta 1994. Šulerjo běchu dotal dźewjatnaće króć dobyli, nětko je dalši triumf k tomu přišoł.

Koparski duel wotmě so w sportowej hali Budyskeho Serbskeho šulskeho a zetkawanskeho centruma, dokelž bě tartanowa podłoha wonka po dešćiku ekstremnje hładka a strach zranjenja jara wulki. Dwanatkarjo nastupichu z dźesać hrajerjemi, wjetšina z nich su aktiwni kopa­rjo. Wučerjo njemějachu tónraz ža­no­ho aktera za wuměnu. Znowa wupomha Damian Bogusz, nětko sportowy wučer w Naunhofje pola Lipska.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND