Wojerecy trjebaja nuznje zesylnjenje hospodarskeho spěchowanja
Wojerecy (AK/SN). Město Wojerecy trjeba konsekwentnje dale wuwiwane a zaměrne hospodarske spěchowanje. Nuznje trěbny je lěpši wobchadny zwisk do Drježdźan, Berlina a Lipska. Jasny signal do přichoda móže tež Zusowy campus za IT-studentow być. To běše facit wčerawšeje podiumoweje diskusije z kandidatami za wólby noweho wyšeho měšćanosty Wojerec. Claudia Florian (CDU), Dorit Baumeister (njestronjanka), Dirk Nasdala (njewotwisny kandidat), Torsten Ruban-Zeh (SPD) a Marco Gbureck (AfD) 6. septembra k wólbam nastupja.