Dobry test krótko do zazběha sezony

srjeda, 09. septembera 2020
artikl hódnoćić
(0 )

Mužojo Viktorije Worklecy zahaja sobotu­ wolejbulowu sezonu 2020/2021. Po wjele wuspěšnych lětach we wobwodnej lize bě postup do sakskeje klasy wjac hač zasłuženy.

Za mustwo wokoło kapitana Ludwiga ­Eckerta je to wulke wužadanje a zdobom dyrdomdej. Jasny zaměr wšěch hrajerjow rěka: Klasu dźeržeć! To pak budźe hladajo na sylnu konkurencu jara ćežko. Nimo toho dyrbja Worklečenjo wotchad Jana Bětnarja narunać, kiž nětko w Drježdźanach pod wysokim sakom hraje. Nowačkaj Christian Weitzmann a Max Jurack njejstaj z mustwom hišće dosć zahrataj. Tohodla Worklečenjo tučasnje tak prawje njewědźa, hdźe steja. Tak bě přeprošenje Módro-běłych z Wojerec na přihotowanski turněr w prawym wokomiku dóšło. Wolejbulisća z Zusoweho města hraja w aktualnej sezonje tež w krajnej klasy.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND