Lottner nimale ze superstartom

póndźela, 28. septembera 2020
artikl hódnoćić
(0 )
 Třělc wrotow Max Kremer  Foto:  Georg Zielonkowski  Třělc wrotow Max Kremer Foto: Georg Zielonkowski

1. FC Lok Lipsk

– FC Energija Choćebuz 1:1 (1:1)

Zestawa hosći: Stahl – Pelivan, Rahn, Koch, Fl. Brügmann, Eisenhuth, Erlbeck, Kremer (80. F. Geisler), Borgmann, Fe. Brügmann, Stettin (46. Mäder, 70. Hoppe)

Hdyž rěči trenar FC Energije Choćebuz Dirk Lottner­ po sydom dobytych dypkach z prěnich třoch partijow wo dobrym starće do noweho časa pola Cho­ćebužanow, njetrjebam ničo znapřećiwić. Přał bych sej přiwšěm optimalnu bilancu dźewjeć ličakow. To by za FC Energiju zdobom rekord za noweho nazwučowarja był.

W Lipšćanskim Bruna Plachowym stadionje hosćićeljo hižo po štyrjoch mjeńšinach přez něhdyšeho Choćebu­žana Paula Schinke nawjedowachu. Hižo w 31. min. pak přetwori Max Kremer pokutny kop, a to po foulu na Janu Kochu. Po tym widźachu přihla­dowarjo wotměnjawy duel tradiciskeju mustwow z wjetšim mnóstwom šansow za hosći. Při konterach domjacych wšak dyrbjachu Choćebuženjo stajnje kedźbować. Wšitke łoskoćiwe akcije pak Toni Stahl wotwobara.

Tak dźěleštej so cyłkaj ze sprawnym remisom a Energija suny so w tabulce na poziciju dźesać. Wotstawk k načolnikej aktualnje 14 dypkow wučinja.

wozjewjene w: Sport
Prošu přizjewće so, chceće-li komentar podać

Serbska debata

nowostki LND