Sportowcy so sami gratu přimali

wutora, 13. oktobera 2020
artikl hódnoćić
(0 )
Kulowski farar dr. Wolfgang Křesák je minjenu sobotu nowe socialne twarjenje na Kulowskim sportnišću požohnował.  Foto: Gernot Menzel Kulowski farar dr. Wolfgang Křesák je minjenu sobotu nowe socialne twarjenje na Kulowskim sportnišću požohnował. Foto: Gernot Menzel

Lěpše wuměnjenja za sportowanje maja nětko w Kulowje. Tam su sej sportowcy móhłrjec sami wulke přeće spjelnili a sej nowe socialne twarjenje natwarili.

Kulow (SN/MWj). Na Kulowskim sportnišću při Koćinskej dróze je towarstwo DJK Módro-běli Kulow minjenu sobotu swoje nowe socialne twarjenje oficialnje přepodało. Požohnował je je wosadny farar dr. Wolfgang Křesák. K přitomnym čłonam sportoweho towarstwa porěče­štaj mjez druhim bywši Kulowski měšćanosta Udo Popjela, kiž je so za nowotwar sobu angažował, a cyłoněmska před­sydka katolskeho zjednoćenstwa DJK (Deutsche Jugendkraft) Elsbeth Beha.

Wot lěća 2019 su na nowym socialnym twarjenju dźěłali. Wone nasta na městnje dotalneho sanitarneho twarjenja. W nim běchu nuzniki skóncowane a tepjenje často defektne. Scyła bě dom chětro dodźeržany, a tak dyrbjachu jón z nowym narunać. Nětko maja za hrajerjow kaž tež za přihladowarjow zaso porjadne sanitarne připrawy. Nimo toho nastachu přebywanska rumnosć, płokarnja za sportowu drastu a skład za sportowe wuhotowanje towarstwa.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND