Móhli wjace za dwurěčnosć činić

štwórtk, 15. oktobera 2020
artikl hódnoćić
(0 )
 Jonas Lešawa  Foto:  Carmen Schumann  Jonas Lešawa Foto:  Carmen Schumann

Budyska měšćanska rada je na swojim wčerawšim posedźenju personelnu změnu wobzamknyła. Ta wuskutkuje so tež na zestawu přirady za serbske naležnosće.

Budyšin (CS/SN). Dokelž dotalna Bu­dyska měšćanska radźićelka Annalena Schmidt (Zeleni) hižo w sprjewinym měsće njebydli, wona tež měšćanskemu parlamentej přisłušeć njemóže. Jeje městno zaběra nětko student Jonas Le­šawa. Dokelž je Annalena Schmidt tež dźěłowemu kruhej za serbske naležnosće města přisłušała, ju Jonas Lešawa tež w tym gremiju naruna. Tomu su měšćanscy radźićeljo wčera přihłosowali.

Jonas Lešawa bě před lětomaj na Schillerowym gymnaziju maturował a stu­duje w Drježdźanach politiske wědomosće. Wot lońšeho twori wón w Budyšinje takrjec čoło klimoweho hibanja „Fridays for future“. Wot lońšeho je młody muž tež w Budyskim wokrjesnym sejmiku za Zelenych aktiwny. Na swój nowy nadawk so wón wjeseli, kaž wčera rjekny.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND