Pod kapałku cyblički tykali

pjatk, 13. nowembera 2020
artikl hódnoćić
(0 )
Ze swojej kubłarku Terezu Wajdlichec (nalěwo) a z Antju Meiserowej wot CSB (naprawo) su dźěći Pančičanskeje pěstowarnje minjenu wutoru na terenje bywšeho stareho hosćenca cyblički tykali.  Foto: Alfons Handrik Ze swojej kubłarku Terezu Wajdlichec (nalěwo) a z Antju Meiserowej wot CSB (naprawo) su dźěći Pančičanskeje pěstowarnje minjenu wutoru na terenje bywšeho stareho hosćenca cyblički tykali. Foto: Alfons Handrik

Pančicy-Kukow (aha/SN). Wjele lět ski­će­še rozpadowacy twarski kompleks z by­w­šim hosćencom wosrjedź Pančic-Kukowa njerjany a wohańbjacy napohlad. Wjesnanosta Markus Kreuz (CDU) so za to zasa­dźi, zo je gmejna před lětomaj areal kupiła. Lětsa po jutrach započa firma z Hućiny rozpadowacy hosćenc torhać. Mjeztym je dźěło zakónčene a 3 500 kwadratnych metrow wulki areal skići dospołnje změnjeny wobraz. Wot zeleneje oazy wjedźe po nahłej skłoninje schód ke kapałce.

Klětu nalěto změja mnozy do Pančic-Kukowa přichadźacy hosćo swoje wjeselo nad tym, zo tam po cyłej łuce narcisy, krokusy a hyacinty kćěja. Wo to su so minje­nu wutoru dźěći tamnišeho horta postarali. Pozadk je, zo je so Miłočanski Křesćansko-socialny kubłanski skutk (CSB), přizamknjeny towarstwu Zahro­dowa kulturna šćežka Hornja Łužica, hižo minjene lěto wobdźělił na akciji tykać kwětkace cyblički. Po tym zo su to loni na Klóšterskej zahrodźe činili, wjesnjanosta poskitk CSB witaše, zo z lětušej ­akciju zelenišćo mjez Klóšterskej wodu a mjeztym derje widźomnej kapałku z kwětkami zwosadźeja.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND