Faworit z rutinu dobył

wutora, 22. decembera 2020
artikl hódnoćić
(0 )
W Bayreuthu běchu Łužiske lodohokejowe liški dobyli, njedźelu doma pak woni načolnikej DEL2 z Ravensburga podležachu. Jeho wrotarja Olafra Schmidta (nalěwo) nadběhuje tule Moritz Raab (47, Běła Woda).  Foto: Thomas Heide W Bayreuthu běchu Łužiske lodohokejowe liški dobyli, njedźelu doma pak woni načolnikej DEL2 z Ravensburga podležachu. Jeho wrotarja Olafra Schmidta (nalěwo) nadběhuje tule Moritz Raab (47, Běła Woda). Foto: Thomas Heide

Łužiske liški Běła Woda – Ravensburg Towerstars 1:3 (0:1, 1:1, 0:1)

Po słabej, ale wuspěšnej hrě minjeny pjatk witachu Łužiske lodohokejowe liški njedźelu načolnika tabulki z Ravensburga, je rutinowany team z tójšto nazhonitymi a robustnymi hrajerjemi. Liški su skerje hišće zelene za wušomaj, wšako su najmłódši cyłk ligi. Toho­dla dźěchu hosćo tež jako faworit do hry.

Prěnja třećina bě hišće poměrnje wuru­nana, ale hóstne mustwo měješe wjacore lěpše móžnosće. Mac Carruth we wrotach Běłeje Wody pak měješe ­znowa wulkotny dźeń a wšitke spočatne nadběhi přećiwnika wotwobara. To spožči jeho kolegam na lodźe mocy dosć, a tak so woni chětro wobarachu a poněčim respekt­ před Ravensburgčanami spušćichu. Jich nawjedowanje padny tak lo­gisce po wurjadnej akciji jednotliwca. Andreas­ Driendl wuhra cyły škit inkluziwnje ­wrotarja a suny puk do čorneho. Dalše tři dobre móžnosće hosćićelski goalie wotwobara, tak zo dźěchu Běło­wodźenjo ze snadnym zastatkom 0:1 do prěnjeje pře­stawki.

wozjewjene w: Sport
Prošu přizjewće so, chceće-li komentar podać

Serbska debata

nowostki LND