Spjelnjene nadawki spokojeja

srjeda, 30. decembera 2020
artikl hódnoćić
(0 )
Wokoło mostow je so lětsa we Worklečanskej gmejnje tójšto wjerćało. Nimo toho mjez Worklečanskimaj kupomaj je nastał tutón we Nowej Wjesce. Tam so derje hodźi a słuži jako zwisk mjez bydlenskej štwórću a swjedźenišćom.  Foto: Jan Kral Wokoło mostow je so lětsa we Worklečanskej gmejnje tójšto wjerćało. Nimo toho mjez Worklečanskimaj kupomaj je nastał tutón we Nowej Wjesce. Tam so derje hodźi a słuži jako zwisk mjez bydlenskej štwórću a swjedźenišćom. Foto: Jan Kral

Poslednje dny stareho a prěnje dny nowe­ho lěta su na mnohich městnach składnosć, na dźěło zašłych měsacow zhladować. Serbske Nowiny rozhladuja so po dwurěčnych komunach, što su tam zdokonjeli.

Worklecy (JK/SN). Tež hdyž bě čas posedźenja wobmjezowany, namaka Worklečanski wjesnjanosta Franc Brusk (CDU) na poslednim lětušim posedźenju gmejnskeje rady chwile, zhladować wróćo na dźěławosć parlamenta a gmejnskeho zarjadnistwa w lěće 2020. Wosebje horda je gmejna na to, zo móžeše dypkownje zakónčić wulki projekt nowo­twara šulskeho horta. Twarske dźěła su w kóždej fazy derje pokročowali. Hinak hač na druhich městnach móžachu projekt dypkownje zwoprawdźić a při tym samo hišće pjenjezy lutować. Kubłanske a zastaranske móžnosće su we Worklečanskim šulskim kompleksu tak wo wjele přijomniše a wobšěrniše.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND