Z Trabijom za jolku 2.0 wabili

štwórtk, 07. januara 2021
artikl hódnoćić
(0 )
Tež pola Róžeńčanskeho pjekarja, hdźež předawa mjez druhim Ricarda Šołćina, za lětuši kusk hinaši Nukničanski jolka-swjedźeń wabja.  Foto: Feliks Haza Tež pola Róžeńčanskeho pjekarja, hdźež předawa mjez druhim Ricarda Šołćina, za lětuši kusk hinaši Nukničanski jolka-swjedźeń wabja. Foto: Feliks Haza

Nukničanska jolka je kóžde lěto prěni wjeršk zabawnych serbskich swjedźenjow. Lětsa pak je tež wón wot pandemije potrjecheny, a wšitko budźe hinak. Tež njedawne wabjenje bě njezwučene.

Nuknica (mdź/SN). Lětsa su přihoty na jolku tróšku hinaše. Prawidłownje so organizaciski team online schadźuje – a to hižo někotre tydźenje. Zhromadne zetkanja dźě tuchwilu móžne njejsu, digitalny puć přihotow je tuž dobra alternatiwa. „Mamy tójšto dźěła“, praji sobuorganizator Jakub Brězan z Prawoćic. „Na njedawnym zetkanju smy wo tym rěčeli ludźom wuwědomić, zo so jolka-swjedźeń při­wšěm wotměje, jenož na hinaše wašnje. A zo dyrbimy za prěni wulki serbski po­dawk lěta wabić.“ Tak je mjez druhim ­ideja nastała, z wabjenskim Trabijom po Łužicy jězdźić, k tomu z připowěšakom, na kotrymž stej wulkej tafli z datumom a napisom „jolka“ čitać byłoj. Samo serbska chorhojčka z nabóčneho wokna hladaše. Na swojej silwesterskej jězbje bě ­Jakub Brězan 50 kilometrow po Serbach z „jolka-trabijom“ po puću.

wozjewjene w: Lokalka
Prošu přizjewće so, chceće-li komentar podać

nawěšk