Běła Woda (CK/SN). Njewšědny měr tuchwilu w Běłowodźanskim škleńčerskim muzeju knježi. Normalnje by so tam do a po hodźoch z wopytowarjemi a pućowanskimi skupinami z cyłeje Němskeje jenož tak mjerwiło. Ale wot nowembra je muzej korony dla zawrjeny. Tomu wšak bě hižo loni nalěto tak. Za to mějachu w lěću wjace wopytowarjow hač hewak, dokelž su mnozy hosćo Mužakowskeho parka tež do škleńčerskeho muzeja pohladnyli. Tohodla njebě kónclětna bilanca ani tak špatna, kaž su wočakowali.