Prěnja jolka 2.0 wuspěšna

póndźela, 18. januara 2021
artikl hódnoćić
(0 )
Marko Jurk je jolku z Budyskeho studija MeKoSax moderěrował. Programowe dypki přinošowachu sobuskutkowacy live takrjec wot doma.  Foto: SN/Hanka Šěnec Marko Jurk je jolku z Budyskeho studija MeKoSax moderěrował. Programowe dypki přinošowachu sobuskutkowacy live takrjec wot doma. Foto: SN/Hanka Šěnec

Tradicionalny wjeršk spočatk lěta digitalnu premjeru dožiwił

Nuknica (SN/bn). Dospołnje wobsadźena wirtuelna žurla, sta přihladowarjow live na Youtube – digitalna premjera jolka-swjedźenja je so z rekordnej ličbu něhdźe 2 300 přihladowarjow zešlachćiła. Hesło 23. raz wuhotowaneho swjatka bě „Korutanska – Z korejtu po dolinje“.

Narok zarjadowaceho Nukničanskeho wjesneho kluba a režisera Michała Cyža bě, „po móžnosći wšitko po zwučenym wašnju zwoprawdźić, tónraz pak w cyber-swěće“. A tak wodźeše předwčerawšim znowa braška-moderator Marko Jurk swojoraznje po programje, nańdźe pucher składnostnje zarězaneho swinjeća nowu wobsedźerku a rozswětli finalny wohnjostroj poł Łužicy. Z prěnjeho rynka dobreje stwy spěwachu dźěći wjacore štučki pěsnje „Naša wowka je moderna Serbowka“, po tym zo bě Franc Kliman melodiju na trompeće přednjesł.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND