Potajnstwo kule wuslědźene

pjatk, 22. januara 2021
artikl hódnoćić
(0 )
Grodkowska měšćanostka Christine Herntier, nawoda Delnjołužiskeho holanskeho muzeja Eckbert Kwast, klempnar Georg Nennewitz a kowar Erhard Merkel (wotlěwa) su předwčerawšim dokumentowe tyzy wočinili.  Foto: Jost Schmidtchen Grodkowska měšćanostka Christine Herntier, nawoda Delnjołužiskeho holanskeho muzeja Eckbert Kwast, klempnar Georg Nennewitz a kowar Erhard Merkel (wotlěwa) su předwčerawšim dokumentowe tyzy wočinili. Foto: Jost Schmidtchen

We wobłuku wobšěrneho ponowjenja wěže Grodkowskeje radnicy běchu loni 8. oktobra tři kasety z kule na wjeršku wěže wzali. Nětko su je fachowsce ­wočinili.

Grodk (JoS/SN). Wulka napjatosć knježeše předwčerawšim na žurli Grodkowskeje radnicy. Hromadźe z nowinarjemi su tam kasety z kule radnicoweje wěže wočinili. Po lětach 1791, 1899 a 1987 wěžu radnicy tuchwilu štwórty raz w jeje stawiznach ponowjeja. Ručež bě wěža w oktobru zaróštowana, su wjeršk a z nim tež kulu z dokumentami dele wzali.

Kaž měšćanostka Christine Herntier (njestronjanka) rjekny, nichtó prawje njewě, što w kasetach je. Nowa kaseta pak bě hižo přihotowana. Do njeje po tradiciji wšitke stare a přidatnje nowe dokumenty tyknu. Přitomni drje tajki wokomik hišće raz njedožiwja.

Nawoda Delnjołužiskeho holanskeho muzeja Eckbert Kwast bě jako wěcywustojny přitomny. Po jeho słowach je radnica jedne z mało starodawnych twarjenjow Grodka, kotrež su hač do dźensnišeho zachowane.

wozjewjene w: Lokalka
Prošu přizjewće so, chceće-li komentar podać

słowo lěta 2020

nawěšk

SERBSKE NOWINY podpěruja:

Novi Sad – kulturna stolica Europy

nowostki LND