Dalša sezona w sakskej klasy za Worklečanow

wutora, 23. februara 2021
artikl hódnoćić
(0 )
Wobraz 1. wolejbuloweho mustwa Viktorije Worklecy bě mjez lockdownomaj nastał, jako smědźeše wone w sakskej klasy hišće hrać.  Foto: Mato Eckert Wobraz 1. wolejbuloweho mustwa Viktorije Worklecy bě mjez lockdownomaj nastał, jako smědźeše wone w sakskej klasy hišće hrać. Foto: Mato Eckert

Bychmy-li tele hłowne nadpismo w meji na sportowych stronach Serbskich Nowin čitać móhli, by to wulke překwa­pjenje a wjeselo wolejbulistam Viktorije Worklecy było. Woni mějachu dźě jenož jedyn wažny zaměr w tutej sezonje, a to klasu dźeržeć! Započatk hrajneje doby 2020/2021 je so tež jara derje radźił. Tři dobyća a tři snadne poražki wunjesechu Worklečanam w oktobrje respektabelne 5. městno w tabulce sakskeje klasy. Na to pak zadźěwaštej korona a z njej zwjazany lockdown dalšim winowatostnym dypkowym hram.

Wot toho časa wšitcy přiwisnicy wolejbuloweho sporta na nowozapočatk treninga a hrow čakaja. Tydźenja pak rozšěri so powěsć, zo je so prezidij wolejbuloweho zwjazka Sakskeje rozsudźił sezonu cof­nyć: žane hry, žane mišterstwo kaž tež žadyn postup a žadyn zestup. Nazymu započnje so nowa sezona ze samsnymi mustwami a samsnymi zestawami staflow.

wozjewjene w: Sport
Prošu přizjewće so, chceće-li komentar podać

Serbska debata

nowostki LND