Dźěłowy kruh za serbske naležnosće w Budyšinje wuradźował

Budyšin (CS/SN). Dźěłowy kruh za serbske naležnosće města Budyšina je so wčera zaso schadźował. Dokelž běštaj Matthias Knaak a Annalena Schmidt kruh wopušćiłoj, ma gremij nětko noweju čłonow. Staj to měšćanskaj radźićelej 20lětny Jonas Löschau (Zeleni) a Heinrich Schleppers (CDU). Zdobom skutkuje tam Benjamin Wirth jako nowy rěčnik, byrnjež měšćanski radźićel njebył, a jako zastupjer Heinrich Schleppers.