W měšćanskim zarjadnistwje wědomje za serbske zajimy dale skrućić

Budyšin (SN/at). Serbske naležnosće w Budyskim měšćanskim zarjadnistwje lěpje zakótwić bě srjedź minjeneho tydźenja naležnosć widejoweje rozmołwy zastupjerjow serbskich dźěłowych gremijow SPD, Zwjazka 90/Zelenych a Lěwicy z wyšim měšćanostu Alexanderom Ahrensom (SPD). „Wuměna myslow bě wotewrjena a měješe zasadnje optimistisku prognozu nastupajo dalše zhromadne dźěło“, rjekny wyši měšćanosta našemu wječornikej.