Hrajkanišćo móža nětko wužiwać

póndźela, 29. měrca 2021
artikl hódnoćić
(0 )
W Sćijecach hodźi so wotnětka nowe hrajkanišćo oficialnje wužiwać.  Foto: Markus Gießler W Sćijecach hodźi so wotnětka nowe hrajkanišćo oficialnje wužiwać. Foto: Markus Gießler

Sćijecy (SN/MWj). Dźakowano angažementej Sćiječanskeje wjesneje rady, pjenježnym a wěcnym daram mnohich firmow kaž tež skutkownej podpěrje mnohich staršich, dźěći, młodostnych, dźědow a wowkow je nětko w Sćijecach pola Budyšina nowe hrajkanišćo nastało. ­Wone ma so z dalšim zetkanišćom za młódšich a staršich w tymle měšćanskim dźělu Budyšina stać.

Minjeny štwórtk je sej fachowc TÜVa jednotliwe nastroje na hrajkanišću wobhladał a njeměješe na nich ničo porokować, rěka w zdźělence Budyskeho měšćanskeho zarjadnistwa. Tak hodźeše so hrajkanišćo hižo zjawnje wužiwać. Runje w tym wokomiku přichadźeštaj dźěd a wowka ze swojej wnučku. Wonaj běštaj hakle njedawno z Durinskeje do Budyšina přićahnyłoj a staj minjeny čas wobkedźbowałoj, kak nowe hrajkanišćo nastawa. Nětko chcyštaj z wnučku pohladać, kak daloko wšitko je. To běchu sej wšitcy třo runje prawy wokomik wupytali. Dwulětna holčka bě takrjec prěnje dźěćo, kotrež so na přepodatym hrajkanišću w Sćijecach pospyta a sej tam jednotliwe nastroje dokładnje wobhlada.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND