Nowy farar za Łazowsku wosadu

póndźela, 03. meje 2021
artikl hódnoćić
(0 )
46lětny Christian Huth je so wčera we Łazowskej cyrkwi wosadźe jako nowy farar předstajił. Wot 1. septembra přewozmje wón wulkowosadu Łaz, Delni Wujězd a Wulke Ždźary. Farar Matthias Gnüchtel (napr.) poda so na wuměnk.  Foto: Andreas Kirschke 46lětny Christian Huth je so wčera we Łazowskej cyrkwi wosadźe jako nowy farar předstajił. Wot 1. septembra přewozmje wón wulkowosadu Łaz, Delni Wujězd a Wulke Ždźary. Farar Matthias Gnüchtel (napr.) poda so na wuměnk. Foto: Andreas Kirschke

Christian Huth stanje so z nowym­ Łazow­skim fararjom. Wot 1. septembra ma wón nowe zastojnstwo nastupić a zamołwitosć za wulkowosadu Hornjołužiska jězorina přewzać, zestajanu z wosadow Łaz, Delni Wujězd a Wulke Ždźary.

Łaz (AK/SN) Christian Huth naslěduje fararja Matthiasa Gnüchtela, kiž so na wuměnk poda, a je so wčera na kemšach wosadźe we Łazowskej ewangelskej cyrkwi předstajił. „Mamy běžny přechod. Směm swojeho naslědnika witać, a to je rědka hnada“, farar Matthias Gnüchtel dźakownje rjekny, witajo Christiana Hutha a jeho swójbu. „K zastojnstwu fararja słuša stajnje tež farska žona. Pytajće za radu čłonow wosady. Dźiwajće na fararsku swójbu tak, kaž sym to tež ja či­nił“, Gnüchtel wosadnych namołwi.

Farar Huth změje přichodnje zamołwitosć za wo­sady Łaz z 566 wěriwymi, Delni Wujězd z 364 a Wulke Ždźary z 564 přisłušnikami. Wot lěta 2007 tworitej Delni Wujězd a Łaz zhromadnu wosadu. Wot lětušeho februara nětko wobsteji wulkowosada Hornjołužiska jězorina, kotrejž tež Wulke Ždźary přisłušeja.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Pnačičanski procesion - Die Panschwitzer Prozession.
  • Kulowscy křižerjo - Die Witticheunauer Kreuzreiter.
  • Njebjelčanscy křižerjo – Die Nebelschützer Verkündigungsprozession.
  • Chróšćanski křižerski procesion - Die Crostwitzer Osterreiter.
  • Baćonscy křižerjo - Osterreiter in Storcha
  • Ralbičanscy křižerjo - Die Ralbitzer Osterprozession.
  • Baćonscy křižerjo - Osterreiter in Storcha

nowostki LND