Za pěstowarnju a bydlenja

srjeda, 19. meje 2021
artikl hódnoćić
(0 )
Wot lěta 2010 Łazowsku kupjel hižo njewužiwaja. Nětko chce gmejna teren přetworić a tam mjez druhim pěstowarnju twarić.  Foto: Andreas Kirschke Wot lěta 2010 Łazowsku kupjel hižo njewužiwaja. Nětko chce gmejna teren přetworić a tam mjez druhim pěstowarnju twarić. Foto: Andreas Kirschke

Bywšu kupjel chcedźa zmysłapołnje wužiwać

Łaz (AK/SN). Rozsud Łazowskeje gmejny z 9. měrca 2010 bě bolostny. Kupjel njedaloko Małeje Sprjewje dyrbjachu za­wrěć. Přewulka bě kóždolětna přiražka z gmejnskeje kasy. Nimo toho bě konkurenca łužiskeje jězoriny přesylna. Za dalše wužiwanje kupjele bě wjacorych idejow, zwoprawdźili žanu z nich njejsu. „Kupjel pod dźensnišimi wuměnjenjemi wožiwić njeje móžno. Tohodla chcu nětko koncept za dalše wužiwanje nastorčić. Předstajić móhł sej wjacegeneraciski kompleks z pěstowarnju, dnjowym hladanjom a bydlenjemi z wobstajnym hladanjom“, rozłoži Łazowski wjesnjanosta Thomas Leberecht (CDU) na zašłym posedźenju gmejnskeje rady. Po jeho słowach trjebaja poskitki za młode swójby, nimo toho dyrbja na staršu generaciju myslić. Jako zakład by so něhdźe 19 000 kwadratnych metrow wulki teren bywšeje kupjele derje hodźał.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND