Bjez procesionow putnikowali

wutora, 25. meje 2021
artikl hódnoćić
(0 )
Po kemšach na putniskej łuce w Róžeńće běchu so družki z Njebjelčanskej postawu swjateje Marije hišće raz do cyrkwje wróćili a so potom na dompuć nastajili.  Foto: Feliks Haza Po kemšach na putniskej łuce w Róžeńće běchu so družki z Njebjelčanskej postawu swjateje Marije hišće raz do cyrkwje wróćili a so potom na dompuć nastajili. Foto: Feliks Haza

Po lońšej přestawce swjatki póndźelu zaso kemše na putniskej łuce

Róžant (SN/MWj). Při nic tak horcym wjedrje kaž zašłe lěta su so wčera stotki wěriwych ze wšitkich serbskich katolskich wosadow na putniske kemše do Róžanta podali. Hinak hač zwučene drje žane procesiony do Róžanta kročili njejsu. Njeličomni kemšerjo pak dojědźechu sej z kolesom k hnadownemu městnu abo wotstajichu awta we wokolnych lěsach a posledni čwak puća nóžkowachu. Zdźěla dźěchu tež mjeńše horstki ludźi zhromadnje a so při tym róžowc modlachu, kaž skupina Wotrowčanow.

Na putniskej łuce samej mějachu přitomni hygieniske postajenja wobkedźbować, mjez druhim nahubnik wužiwać a wotstawki dodźeržeć. Wonkowny wobraz bě tajki, zo bě snano hišće wjace kemšerjow hač minjene lěta. Najskerje pak zaležeše to na tym, zo so woni žadaneho wotstawka dla na łuce bóle rozdźělichu.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND