W klóšterskej zahrodźe wěnuja so lětsa mjatwičce

pjatk, 28. meje 2021
artikl hódnoćić
(0 )
Nad wonjatym bozom w klóšterskej zahrodźe wjesela so tule sobudźěłaćerka Antje Meiser a dźěći Pančičansko-Kukowskeje pěstowarnje.  Foto: Markus Schuster Nad wonjatym bozom w klóšterskej zahrodźe wjesela so tule sobudźěłaćerka Antje Meiser a dźěći Pančičansko-Kukowskeje pěstowarnje. Foto: Markus Schuster

Pančicy-Kukow (SN/MWj). Lubowarjo přirody a wšitcy, kotřiž chcedźa na wuchodźowanju něšto přinawuknyć, smědźa so wjeselić. Štyri tydźenje pozdźišo hač planowane móže zajutřišim, njedźelu, klóšterska zahroda w zežiwjenskim a zelowym centrumje Křesćansko-socialneho kubłanskeho skutka (CSB) w kló­štrje Marijinej hwězdźe w Pančicach-Kukowje pod wobkedźbowanjom koronowych postajenjow zaso wočinić. Pilni sobudźěłaćerjo su tam minjeny čas něhdźe 4 000 lětnich kwětkow we wšelakich kombinacijach nasadźeli. Tež wulka ličba kerkow skići nětko w nalěću wosebje rjany wobraz.

Lětsa wěnuja so w klóšterskej zahrodźe wosebje mjatwičce (Minze). Wo jeje wšelakich družinach a wo jich plahowanju tam nadrobnje zhoniš. W pawiljonje poskićeja wulku ličbu regionalnych wudźěłkow z iniciatiwy „Łužica słodźi“. ­Lětsa maja prěni raz rozšěrjeny poskitk hojenskich a hladanskich produktow regionalnych poskićowarjow. Tohorunja prěni raz poskićeja Menschelec limonadu z Hainewaldy we wšelakich družinach, rěka w nowinskej zdźělence CSB.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND