Hiobowa powěsć do treningoweho zazběha

wutora, 22. junija 2021
artikl hódnoćić
(0 )
Do kóždeho treninga přewjeduja koparjo FC Energije lochke běhi, tak tež wčera tydźenja k zazběhej w Choćebuskim Lok-stadionje.  Foto: Georg Zielonkowski Do kóždeho treninga přewjeduja koparjo FC Energije lochke běhi, tak tež wčera tydźenja k zazběhej w Choćebuskim Lok-stadionje. Foto: Georg Zielonkowski

Prjedy hač podachu so koparjo regionalneho ligista FC Energije Choćebuz wčera tydźenja na hrajnišćo, zo bychu prěni raz w přihotach na sezonu 2021/2022 w Choćebuskim Lok-stadionje trenowali, dźěše wosebita powěsć wot hrajerja k hrajerjej abo wot žurnalista k žurnalistej.

Nowy nutřkowny škitar Shawn Kauter, kiž bu hakle njedawno angažowany, bě zamołwitym koparskeho kluba telefonisce zdźělił, zo nětko tola za Energiju hrać njebudźe. „Za nas je jasne, zo ma Kauter z nami płaćiwe dźěłowe zrěčenje, a na tym wobstawamy. Jeli pak so něchtó ze šěsćcyfrowej pjenježnej sumu přizjewi a hrajerja wotkupi, potom hodźi so z na­mi­ rěčeć. Zadźerženje knjeza Kautera jasnje­ pokazuja, zo so tajki muž z tajkim jednanjom k nam njehodźi. Ale tež bjez njeho změjemy za nowu sezonu mustwo z porjadnym charakterom“, rjekny prezident FCE Sebastian Lemke.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND