Breitkreuz so nawróćił

štwórtk, 24. junija 2021
artikl hódnoćić
(0 )
Hrajna scena ze sakskeho derbyja mjez Drježdźanskimi lodowymi lawami a Łužiskimi lodohokejowymi liškami w nowembrje 2019: Clarke Breitkreuz (naprawo, Běła Woda) wojuje wo puk přećiwo Sebastianej Zaunerej (Drježdźany). Hrajna scena ze sakskeho derbyja mjez Drježdźanskimi lodowymi lawami a Łužiskimi lodohokejowymi liškami w nowembrje 2019: Clarke Breitkreuz (naprawo, Běła Woda) wojuje wo puk přećiwo Sebastianej Zaunerej (Drježdźany).

Kapitan hrajneje doby 2019/2020 zaso w liščej lodohokejowej jamje

Wón je zaso wróćo w Běłej Wodźe – ka­pitan sezony 2019/2020 Clarke Breitkreuz. Po jara wuspěšnym lěće w Kasselu, hdźež by so jemu z Huskijemi nimale dobyće mišterstwa poradźiło a z nim postup­ do DEL, póńdźe wón nětko zaso w trikoće Łužiskich lodohokejowych liškow na sławnu hońtwu za pukom.

W kanadiskim Springsidźe rodźeny běše hižo wot lěta 2018 do 2020 za Łu­ži­ske lodohokejowe liški aktiwny a ab­sol­wowaše za nje dokładnje sto hrow. W tym času poradźi so jemu 37 wrotow a 47 přihrawkow, kotrež wjedźechu k wrotowym wuspěcham.

W swojej prěnjej sezonje w Běłej Wodźe docpě Breitkreuz z Liškami štwórć­finale. W slědowacym lěće nawjedowaše wón mustwo jako kapitan, wone pak playoff-hry snadnje misny. Kaž hižo w swojej poslednjej sezonje w Běłej Wodźe dyrbi 29lětny nadběhowar tež nětko zaso młodych hrajerjow ze swojimi nazhonjenjemi ze sydom lět w DEL 2 inspirować a so ze swojim robustnym hrajnym wašnjom wo wjace stracha před wrotami přećiwnika starać.

wozjewjene w: Sport

Galerija

dalši wobraz (1) Clarke Breitkreuz so po wuspěšnym lěće w Kasselu zaso k Běłowodźanskim liškam nawróći. Foto: Thomas Heide
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND