Zesylnjak přećow jězdźi po łužiskich pućach

wutora, 06. julija 2021
artikl hódnoćić
(0 )
Mike Salomon jězdźi tuchwilu z traktorom po łužiskich pućach a pryska přeća na asfalt, kotrež jemu zajimcy posrědkuja. Akcija Mobil přećow traje hišće hač do kónca oktobra.  Foto: Mike Salomon Mike Salomon jězdźi tuchwilu z traktorom po łužiskich pućach a pryska přeća na asfalt, kotrež jemu zajimcy posrědkuja. Akcija Mobil přećow traje hišće hač do kónca oktobra. Foto: Mike Salomon

Traktor tukoce po dróze a z pryskawy ćeče čista woda. To wšak njeje žadyn wosebity napohlad – tež dźensa nic, byrnjež skerje hightech-mašiny wočakowali. Ručež pak ze staršeho modela traktora woda na asfalt wopřijeća a jednotliwe słowa pisa, so za nim jěducy dźiwa. Akcija „Njech so wšitke Twoje přeća spjelnja“ je njewšědna.

Budyšin/Mały Wjelkow (SN/MiR). Projekt Mobil přećow (WunschMobil) słuži jako test za nowy němsko-serbski přełožowanski portal sotra, kotryž tuchwilu nastawa. Wón kóždeho přeproša pósłać iniciatorej Mikej Salomonej swoje přeća w digitalnej formje. „Te potom posłownje w němskej a serbskej rěči direktnje na puć pisamy“, wón powěda. „Naše čornidło je jasna woda. Wobkedźbować pak zajimc dyrbi, zo smě kóžde přeće maksimalnje 160 znamješkow měć. Wězo móže mi kóždy tež wjacore přeća pósłać. Pryska so jenož tekst přeća. Mjeno wotpósłarja so na dróze njejewi.“

wozjewjene w: Lokalka
Prošu přizjewće so, chceće-li komentar podać

nawěšk