Restawruja dalše dawkowe knihi

pjatk, 30. julija 2021
artikl hódnoćić
(0 )
Historiske dawkowe knihi, pochadźace zdźěla z 15. lětstotka, móže Budyski archiwny zwjazk nětko restawrować dać.  Foto: Město Budyšin Historiske dawkowe knihi, pochadźace zdźěla z 15. lětstotka, móže Budyski archiwny zwjazk nětko restawrować dać. Foto: Město Budyšin

Budyšin (SN/MWj). Za 20 000 eurow ­móže Budyski archiwny zwjazk lětsa někotre dalše zwjazki swojich historiskich dawkowych knihow z pomjenowanjom ­„Geschossbücher“ restawrować. Pjenjezy dóstanje ze spěchowanskeho programa za zachowanje pisomneho kulturneho herbstwa. Mjenowane dawkowe knihi zmóžnjeja dohlad do ličby wobydlerjow kaž tež do jich dawkowych a zamóženskich wobstejnosćow a hodźa so jako předchadźace wot lěta 1868 w ćišćanej formje eksistowacych wobydlerskich zapisow wobhladować. Tohodla su wone tež wo swójbnych stawiznach slědźacym zajimawe. Prěnje zapiski pochadźeja hižo z časa wokoło 1400.

wozjewjene w: Lokalka
Prošu přizjewće so, chceće-li komentar podać

nawěšk