Znamjo zwjazanosće było

póndźela, 23. awgusta 2021
artikl hódnoćić
(0 )
Wěža na Kamjenskej Pastwinej horje bě sobotu z dołhimi plećenymi šlebjerdami zakryta a skićeše tak njewšědny wobraz. Tež maskotka Lessingoweho města bě sobotu na horu přišła.  Foto: Feliks Haza Wěža na Kamjenskej Pastwinej horje bě sobotu z dołhimi plećenymi šlebjerdami zakryta a skićeše tak njewšědny wobraz. Tež maskotka Lessingoweho města bě sobotu na horu přišła. Foto: Feliks Haza

Wosebity wjeršk měšćanskeho swjedźenja wjele ludźi přiwabił

Kamjenc (SN/MWj). Grandiozne, wul­kotne, krasne, njepředstajomne – tajke a wjele dalšich adjektiwow bě sobotu na Kamjenskej Pastwinej horje słyšeć. Tam su wot ranja w šesćich wysoku wěžu z jědnaće hač do 14 metrow dołhimi pleće­nymi šlebjerdami zakryli a tak akciju zwoprawdźili, kotruž běchu wjacore měsacy dołho přihotowali. Jednotliwe boki wěže wěnuja so 800. jubilejej města Kamjenca runje tak kaž temam přiroda, putnikowanje a zbožo. Derje widźeć bě mjez druhim serbske lipowe łopješko.

Nimo dalšich zajimcow běchu předewšěm žony přišli, kotrež běchu k po­radźenju sobu přinošowali a jednotliwe małe štyriróžki napletli. Mjez nimi běštej Lucija Weclichowa z Pěskec a Weronika Cyžowa z Njebjelčic. Wobě běštej z wuslědkom jara spokojom, byrnjež wón na wě­ži jenož jenički dźeń widźeć był. Wječor wot wosmich mjenujcy su ple­ćene šlebjerdy zaso z wěže dele wzali. Wone budu přichodny čas mjez druhim w Kamjenskej cyrkwi swjateje Marije a na nutřkownym dworje radnicy widźeć.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND