Mały Kólsk (JoS/SN). Kołowokoło stareje cyhelnicy w Małym Kólsku (Klein Kölzig) knježeše minjeny kónc tydźenja atmosfera ludoweho swjedźenja a wikow z hudźbu a mnohimi atrakcijemi. Hłowna při­čina bě 10. róčnica přiwzaća mjezy pře­sahowaceho němsko-pólskeho geoparka Mužakowski zahórk do europskeje a globalneje syće geoparkow. Na nju zhladowachu minjeny pjatk z oficialnym swjedźenskim zarjadowanjom ze zastupni­kami Braniborskeje, Sakskeje a Pólskeje. Běchu to partnerojo z komunalneje po­litiki, kotřiž hižo wjele lět hromadźe dźěłaja a so wo dalewuwiće objekta staraja.