Ćežke zranjenje wrotarja koparske zetkanje zaćěmniło

wutora, 21. septembera 2021
artikl hódnoćić
(0 )
Klóšterscy koparjo, kaž tu Jakub Pakoßnick (druhi wotprawa, Pančicy) su so přećiwo hosćom z Kulowa chětro prócowali, zo bychu sej prěni dypk abo samo tři zawěsćili. Po ćežkim zranjenju domjaceho wrotarja Olivera Schmidta pak so hra na dobro hosći zwjertny. W dwuboju z Pančičanskim kapitanom je tule dwójny třělc wrotow Bjarnat Korch.  Foto: Jörg Stephan Klóšterscy koparjo, kaž tu Jakub Pakoßnick (druhi wotprawa, Pančicy) su so přećiwo hosćom z Kulowa chětro prócowali, zo bychu sej prěni dypk abo samo tři zawěsćili. Po ćežkim zranjenju domjaceho wrotarja Olivera Schmidta pak so hra na dobro hosći zwjertny. W dwuboju z Pančičanskim kapitanom je tule dwójny třělc wrotow Bjarnat Korch. Foto: Jörg Stephan

ST Marijina hwězda – Módro-běli Kulow 1:4 (1:1) 

Zestawa domjacych: O. Schmidt (67. Matik) – Wróbl, Ch. Cyž, Zelnak (26. Lipič), R. Cyž, Eldor, P. Schmidt, Pjetaš, Pa. Lugge (79. Fischer), Jurš, Pakoßnick (79. Pi. Lugge)

Zestawa hosći: Peschel – Žur, B. Korch, Krawc, Koplanski (78. Langa), Lohan, Bulank, Wittek (59. Popjela), Nicolaides, Šěrak (76. Kubaink), A. Korch

Torhnjena achillesowa žiła wrotarja Olivera Schmidta w 64. min. je njedźelnu hru koparjow ST Marijineje hwězdy přećiwo Módro-běłym Kulow zaćěmniła. Hač k tomu wokomikej běše zetkanje wurunane, a Pančičenjo mějachu samo spočatk druheho połčasa wěstu lěpšinu. Ale k rozsudźacej minuće: Schmidt chcyše wróćo hratu třělwu wujasnić, ale so při tym zrani. Frank Popjela bul jenož hišće do prózdneje klětki k 1:2 suny. Wot toho wokomika běchu domjacy wočiwidnje šokowani, a Kulowčenjo hišće hač do kónca na 1:4 zwyšichu.

wozjewjene w: Sport
Prošu přizjewće so, chceće-li komentar podać

nawěšk