Stara chěža na nowym městnje

štwórtk, 30. septembera 2021
artikl hódnoćić
(0 )
Staru chěžu na nowym městnje wobhladachu sej njedźelu tež mnozy Serbja z wokolnych wsow. Chróšćanscy muzikanća starachu so wo hudźbne wobrubjenje a Monika Cyžowa rozłoži přitomnym historiske pozadki a rjemjesła, kotrež někotři na znowanatwarje wobdźěleni rjemjeslnicy na městnje předstajichu. Arnd Matthes wot Załožby za chěže ze stołom wodźeše zajimcow po něhdyšim domje kata.  Foto: Julian Nyča Staru chěžu na nowym městnje wobhladachu sej njedźelu tež mnozy Serbja z wokolnych wsow. Chróšćanscy muzikanća starachu so wo hudźbne wobrubjenje a Monika Cyžowa rozłoži přitomnym historiske pozadki a rjemjesła, kotrež někotři na znowanatwarje wobdźěleni rjemjeslnicy na městnje předstajichu. Arnd Matthes wot Załožby za chěže ze stołom wodźeše zajimcow po něhdyšim domje kata. Foto: Julian Nyča

Při najlěpšim wjedrje wužichu mnozy zajimcy zašłu njedźelu popołdnju składnosć a podachu so na Dnju wotewrjenych duri k wětrnikej na hórce Łóžko mjez Chasowom a Łuhom. Tam běchu rjemjeslnicy w zašłych měsacach něhdyši „Dom kata“, prěnjotnje z Lišeje Hory, znowa natwarili.

Łuh (JN/SN). Historiska chěža ze stołom pochadźa ze zažneho 18. lětstotka a běše na originalnym stejišću w jara hubjenym stawje a zjawnosći njepřistupna. Jako posledni znaty tykowany dom kata w Sakskej měješe pak wysoku hódnotu za regionalne a twarske stawizny a bu samo w powěsći wo Krabaće naspomnjeny. Tuž bu pod režiju Přećelow domizny a kultury Njeswačidło z.t. wot fachowcow wuměrjeny, dokumentowany, loni wottwarjeny, w ćěsliskej dźěłarni Mar­ti­na Fricke w Thalheimje restawrowany a lětsa na Łóžku pódla wětrnika zaso natwa­rjeny.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND