Woda ćeče z noweje wodarnje

wutora, 09. nowembera 2021
artikl hódnoćić
(0 )
Hromadźe z dalšimi wobdźělenymi je předsyda wodoweho zaměroweho zwjazka a Hamorski wjesnjanosta Achim Junker (srjedźa) wulki wentil wočinił, zo móhła wodarnja dźěłać započeć. Foto: Constanze Knappowa Hromadźe z dalšimi wobdźělenymi je předsyda wodoweho zaměroweho zwjazka a Hamorski wjesnjanosta Achim Junker (srjedźa) wulki wentil wočinił, zo móhła wodarnja dźěłać započeć. Foto: Constanze Knappowa

Zastaranje tysacow ludźi zawěsćić hoberski projekt było

Hamor (CK/SN). Zo woda wuběrnje słodźi, wobkrućichu njedawno wjesnjanosća sobustawskich gmejnow wodoweho zaměroweho zwjazka (WZV) Srjedźna Nysa-Šepc z małym lunkom. Po tymle symboliskim akće započa nowa Hamorska wodarnja dźěłać.

Zawod móže wob dźeń přerěznje 5 600 kubiknych metrow wody dodawać. Na horcych lěćnych dnjach móže to tež raz 12 800 kubiknych metrow być. Wodarnja wotnětka 35 000 ludźi w Běłej Wodźe a we wosom wokolnych gmejnach, mjez druhim Slepjanskeho regiona z pitnej wodu zastaruje. Woda njewobsahuje žane­ škódne maćizny a je hygienisce čista­. Za to nje­trjebaja ju ani wulce rjedźić, ale jeničce přez wapnowc filtrować. Za zastaranje bjeru wob lěto 500 000 kubiknych metrow wody z Bjerwałdskeho jězora a dalše połdra miliona kubiknych metrow wob lěto z podzemskeho wottoka jě­zora.

wozjewjene w: Lokalka
Prošu přizjewće so, chceće-li komentar podać

słowo lěta 2020

nawěšk