Wojerecy (SN/MWj). Zwěrjenc we Wojerecach bě minjene dny hosćićel prěnjeje regionalneje konferency wo plahowanju tak mjenowanych Humboldtowych a nawočowych pinguinow w coowach a zwěrjencach. Zastupjerjo dźewjeć coologiskich zarjadnišćow kaž tež štyrjo fachowcy diskutowachu a wuradźowachu we wobłuku hybridneje konferency, potajkim zdźěla přitomni a zdźěla online, wo wosebitych potrěbnosćach přewšo sen­sibelnych ptakow. „Wjeselu so jara, zo je telko kolegowkow a koleginow moje pře­pro­šenje sćěhowało a zo su zwólniwi sej mysle a nazhonjenja wuměnjeć“, zwura­znja nawoda Wojerowskeho zwěrjenca Eugène Bruins w nowinskej zdźělence.