Zo móhli ryby lěpje pućować

pjatk, 10. decembera 2021
artikl hódnoćić
(0 )
Při spušćadle pola Lichanja we Wulkodubrawskej gmejnje su předwčerawšim nowy, 15 metrow dołhi móst stajili.  Foto: Uwe Menschner Při spušćadle pola Lichanja we Wulkodubrawskej gmejnje su předwčerawšim nowy, 15 metrow dołhi móst stajili. Foto: Uwe Menschner

Městno, hdźež so Sprjewja do hłowneje a Małeje Sprjewje dźěli, maja ryby ­přichodnje lěpje přewinyć móc. Za to tuchwilu tójšto pjenjez inwestuja. Tele dny dožiwichu tam twarsku wose­bitosć.

Lichań (UM/SN). Nowy móst su předwčerawšim při spušćadle na kromje Lichanja (Spreewiese) stajili, a to tam, hdźež so Mała Sprjewja wot hłowneje dźěli. Z wosebitym transportom bě móst wjacore dny z badensko-württembergskeho Engena do wuchodneje Sakskeje po puću był. „15 metrow dołhi nastroj je z aluminija a waži jeno štyri tony“, rozłožuje projektny nawoda Daniel Steinmüller z krajneho zarjada rěčnych zawěrow (LTV). Přez móst dóstawaš so na mały čwak zemje mjez woběmaj rěkomaj. Tónle čwak stanje so mjenujcy z kupu, dokelž twarja při spušćadle tak mjenowanej rybowej schodaj.

Twarske dźěła traja hižo cyłe lěto. „Přetwar ma tomu dopomhać, zo móža ryby a dalše žiwochi w rěce wottud po 40 kilometrach přez Minakał a Łaz hač do bliskosće Sprjejc pućować, hdźež so Mała Sprjewja z hłownej zaso zjednoća“, na­woda projekta wuswětla.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND