Škotowarjo sezonu dočasnje skónčili

srjeda, 15. decembera 2021
artikl hódnoćić
(0 )

Budyšin (SN/MWj). Naprawow koronapandemije dla su so organizatorojo škotowych turněrow serbskich seniorow rozsudźili, zo lětušu sezonu dočasnje skónča. Kaž hłowny organizator Měrćin Nowak z Lubija zdźěli, móžachu lětsa jenič­ce dźesać turněrow přewjesć. Na nje witachu nimo jeničkeje žony dohromady 35 škotowarjow a wosom nowačkow. Nětko so nadźijeja, zo budu so w lěće 2022 zaso prawidłownje zetkawać a potom na prěnim turněrje lětušich dobyćerjow mytować móc. Jako najlěpši kartyplacar wopokaza so lětsa Křesćan Weclich z 20 275 dypkami. Dalše prědnje městna wobsadźichu Wolfgang Kühn (18 822), Gerat Šmelink (18 235), Hermann Woko (17 341), Jurij Hanto (16 956), Manfred Rohark (16 771) a Pawoł Šołta (15 652).

wozjewjene w: Lokalka
Prošu přizjewće so, chceće-li komentar podać

nawěšk