Što čini hobbyjowy fotograf, Ćišćan ­Johann Tesche, z něhdźe 20 000 wobrazami, kotrež je zašłe lětdźesatki w swojej ródnej wsy zapopadnył? Wot lěta 2010 wuhotuje wón protyku, zo by ­prawidłownje někotre fota a z nimi swój wid na Wojerowski měšćanski dźěl pokazał.

Ćisk (KD/MiR). Wot toho časa, kaž bě so w lěće 2003 na wuměnk podał, trjebaše něhdyši diplomowy inženjer za informacisku techniku za sebje nowe nadawki. A tak je započał serbske nałožki a dalše aktiwity we wobłuku Ćišćanskeho kulturneho towarstwa fotografować.