Młodostni hodownu hru předstajili

póndźela, 27. decembera 2021
artikl hódnoćić
(0 )
Patoržicu w Radworju njejsu dźěći hodownu hru předstajili, ale młodostni, štož bě wosadnym wosebite dožiwjenje.  Foto: Bosćij Handrik Patoržicu w Radworju njejsu dźěći hodownu hru předstajili, ale młodostni, štož bě wosadnym wosebite dožiwjenje. Foto: Bosćij Handrik

Radwor (BHR/SN). Kaž w mnoho wosadach běchu patoržicu tež w Radworju swójby z dźěćimi na hodownu hru do wosadneje cyrkwje přeprošene. Mnoho wopytowarjow bě wobmjezowanych městnow a trěbnych wěstotnych a hygieniskich naprawow dla hižo zahe do Božeho domu přišło. W jara derje pjelnjenej a jeno mało wobswětlenej cyrkwi knježeše měrna, wočakliwa atmosfera, doniž so sceniske předstajene stawizny hodowneje nocy přez młodostnych wosady njezapoča. Pod nawodom Leonie Wenclec a Sary Hančikec běchu woni někak połhodźinsku hru wo pytanju hospody přez swjatu Mariju a swjateho Józefa a narodźe Jězusa Chrystusa nazwučowali. Dobreje zwukoweje techniki, wěsteho a wuraza połneho přednjesenja tekstow kaž tež přiměrjeneho wobswětlenja dla, móžachu wšitcy jednanje derje sćěhować. Hra we wołtarnišću bu wobrubjena ze spěwami Hantušec swójbneho chóra a trompetarja Maksimiliana Paški z přewodom kantora Romana Kole.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND