Połčnica (SN/MiR). Přewšo wšelake su ideje w sakskich komunach, kak so na­stajić na wužadanja při produkciji energije, kotraž resursy zemje njewobćežuje. To dopokazuje mjez druhim tójšto městow a wsow, kotrež wobdźělichu so na wubědźowanju za energiju, klimu a wobswět w Sakskej „eku-myto přichoda 2021“. Jedna komuna, Połčničanska, je w rubrice „ideje“ 2 500 eurow za swój namjet přijała.