Wjesnjanosta pjenjezy dari

pjatk, 11. měrca 2022
artikl hódnoćić
(0 )

Radźićeljo wupłaćenju koronapomocy pod wuměnjenjom přihłosowali

Trjebin (CK/SN). Zo njebychu čestnohamtscy wjesnjanosća w Sakskej hubjeńšo stajeni byli hač jich hłownohamtscy kolegojo, maja tež woni 1 300 eurow jako wosebite koronowe pjenjezy dóstać. Problem je, zo maja komuny same tele wudawki financować. Trjebinski wjesnjanosta Waldemar Locke (CDU) je hižo na posedźenju gmejnskeje rady před měsacom připowědźił, zo chce pjenjezy za pišćele Slepjanskeje cyrkwje darić.

Napjateho hospodarskeho połoženja dla sej Trjebinska gmejna jónkrótne wupłaćenje swojemu wjesnjanosće scyła dowolić njemóže. Do předwčerawšeho posedźenja pak so radźićeljo dojednachu wudawkam přihłosować, ale pod wuměnjenjom, zo Waldemar Locke swój dar dźěli. Połojca pjenjez ma so přepokazać za pomoc Ukrainje, tamnu połojcu přewostaja za pišćele Slepjanskeje cyrkwje. Tak to radźićeljo nětko jednohłósnje wobzamknychu.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND