Přihotuja jutrownu přehladku

wutora, 22. měrca 2022
artikl hódnoćić
(0 )
Hromadźe z Grit Neuman je Birgit Patokowa (wotlěwa) tele dny we wjesnym muzeju w Błobošojcach swoju jutrownu wustajeńcu natwariła. Widźeć budu tam wot 2. apryla tež pomolowane škleńčerske wudźěłki.  Foto: Jost Schmidtchen Hromadźe z Grit Neuman je Birgit Patokowa (wotlěwa) tele dny we wjesnym muzeju w Błobošojcach swoju jutrownu wustajeńcu natwariła. Widźeć budu tam wot 2. apryla tež pomolowane škleńčerske wudźěłki. Foto: Jost Schmidtchen

Błobošojce (JoS/SN). Nimale 30 čłonow towarstwa Delnjołužiskeho wjesneho muzeja Błobošojce (Bloischdorf) su tele dny dobreje mysle. To njezaleži jenož na nalětnim słóncu, ale hłownje na tym, zo móža po dołhim čakanju zaso najwšelakoriše zarjadowanja přihotować.

Kaž zastupowaca předsydka towarstwa Grit Neumann rozprawja, wjesela so jako prěnje na jutrownu wustajeńcu Birgit Patokoweje z Horow pola Wojerec. Jeje přehladku „Jejka a nalětnje mólby“ chcedźa 2. apryla wotewrěć. Natwarjena wona mjeztym hižo je. Widźeć su najwšelakoriše jutrowne a wuměłske žadnostki ze serbskimi motiwami. Wšako je Birgit Patokowa wjelestronska wuměłča, kotraž je molowanje na škleńcu w škleńčerni w Nowych Wikach (Neupetershain) nawuknyła a w běhu lět wobstajnje dale wudospołnjała.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND